من عبق زهور ملكة الشاعرات
الشاعره الورديه ربا الدويكات
تهت بدموعي والقصايد عناويـــن :قلبي صغير ولا قدر يحمل احزان
والنوم له ناس بهناهم سلاطيـــــن:خلي السهر للي عذاباته الـــــــــوان
كلن حبيبه مهتني به وانا ويـــــــن:حابس خيالي بين طوبن وجـــدران
كل السهارى مثلي الحين ياعين:يبكون لين الصبح تفتح له اجفــــــان
احضن خيالك والدموع المساجين:بيّحتها وعودي من الشوق ذبلان
لا مرّني طيفك هجرت الملايين:أشغلتني والنوم للحين ما حــــان
بيني وبينك نكهة الحب طعمين:طعم الفرح لا خالط الليل خجلان
مسكين ياقلبي لك الله مسكين:ساهر على شانه وهو نايــــم الآن
محتاجلك دام المشاعر لك تلين:في غيبتك تسمح اناديك ولهــــــــان
يا ليتني ميزان بين الموازيين:واقيس حر الشوق والجوف عطشان
وتحاصر اعيوني معك باتجاهين:بيني وبينك والملا يبات خسران
طيفك يصارعني بكل الميادين:يلبس سواد الليل ماينام , سهران
أتنفّسك لا ثار شوقي براكين:واشهق خيالي والفظك بين الالحــان
يا عود مسك وداعبته الرياحين:بستان شوقي عانق الحين بستان
لاحبس خيالي واطعنه بالسكاكين:ما عاد لي خاطرأراعيه يافلان
حتى لذيذ النوم هاجر من سنيين:محتاجله والنوم يا ناس سلطان
عدل سابقا من قبل أسامة عواد في الأربعاء ديسمبر 29, 2010 12:49 pm عدل 1 مرات
